XOVES DE COMADRES

Participamos no xoves de comadres coa capitana do Costa Concordia.
O lema foi "Cunha capitana coma min non afundiría"

ATLETISMO 5º

Os alumnos de 5º fomos a Pinguela para facer Salto de Lonxitude. Aquí tedes unha mostra.

SAN BRAIS

O día 3 de febreiro, subimos a San Vicente todos os nenos de 1º de primaria a cumprir  coa tradición de bendecir as rosquiñas e as cintas. Escoitamos a misa, vimos a San Brais que estaba cheíño de frío e cintas. O sacerdote preguntounos durante a misa de onde viñamos e contounos a historia desta tradición. Ao final puxémonos as cintas benditas e comemos as roscas todos xuntos e ben seguro que durante este ano non nos poñeremos mal da gorxa. Foi unha xornada moi divertida e pese ao frío, despois de subir e baixar acabamos con moita calor.

HIXIENE BUCODENTAL

Mª José é dentista e deunos unha charla esta semana aos nenos do primeiro ciclo, o luns foron os nosos compañeiros de 2º e o mércores tocounos aos de 1º para aprender a cepillarnos ben os dentes e moitas  cousas máis....tanto aprendimos que ao final puxémolo nunha poesía a carón dun debuxo de Coco que é un peluche co que a dentista nos ensinou a forma correcta de cepillarnos. E por riba déronnos uns agasallos.....qué sorte tivemos!

DÍA DA PAZ

No día da paz saímos á explanada para formar con todo o colexio unha gran aspa , escoitamos un manifesto, cantamos unha canción e soltamos unhas pombas que saíron voando todas xuntiñas....non sabemos a onde foron pero seguro que levaron con elas o que tanto pedimos ese día ......PAZ.

Calasanz en primeiro

Os nenos de primeiro fixemos uns puzzles coa figura de San Xosé de Calasanz e aquí vedes que  ben nos quedaron, e tamén nesta festividade fomos a ver unha peli no salón de actos cos nosos compañeiros de ciclo. 

CABALGATA DE REIS

Como "máis vale tarde que nunca", aquí vos deixo unha foto na que vemos aos nosos alumnos colaborando coas Súas Maxestades os Reis Magos na cabalgata de Reis deste Nadal pasado.